कर्णाली प्रदेश सभा बैठकमा हङ्गामा
सुर्खेत ः कर्णाली प्रदेश सभा बैठक स्थगित भएको छ । बिहीबारको प्रतिनिधि सभा बैठकमा सभामुख नन्दा गुरुङ विपक्षीलाई पेलेरै अघि बढ्न खोजेपछि विपक्षी दलहरूले बैठक सञ्चालनमा अवरोध गरेका थिए ।
प्रमुख प्रतिपक्षी दल नेपाली कम्युनिस्ट पार्टी(नेकपा) राष्ट्रिय प्रजातन्त्र पार्टी(राप्रपा) र पूर्वमुख्यमन्त्री राजकुमार शर्माले संसद् बैठक अवरोध गरेका हुन्।
सभामुख गुरुङले पेलेरे अघि बढ्न खोज्दा प्रतिपक्षी सांसदहरू अगाडि आएर घेरेका थिए । सभामा हङ्गामा भएपछि सभामुख गुरुङले आधा घण्टाका लागि बैठक स्थगित गरेकी हुन् ।
प्रतिपक्षी दलहरूले अर्थमन्त्री राजीवविक्रम शाहलाई रोस्ट्रममा जान दिएनन् । आज सत्ता पक्षले बजेट पास गर्ने तयारी गरेको छ।
