नयाँ शक्तिले बुझायो बुढीगण्डकी आयोजनाका अध्यक्षलाई ज्ञापनपत्र

naya-sakti-jpgकाठमाडौं – नयाँ शक्ति पार्टी नेपालले बुढीगण्डकी जलविद्युत आयोजना समितिका अध्यक्ष लक्ष्मी प्रसाद देवकोटा समक्ष ज्ञापनपत्र बुझाएको छ ।

 बुढीगण्डकी जलविद्युत आयोजना समितिको कार्यालयमा आज नयाँ शक्ति नेपालका केन्द्रीय कार्यकारी परिषद् सदस्य विरेन्द्र कुमार पोखरेललगायत अन्य सदस्यहरुले अध्यक्ष देवकोटा समक्ष ज्ञापनपत्र बुझाएका हुन् ।

आयोजनामा भएको अमूक राजनैतिक पार्टीको अराजनैतिक गतिविधिप्रति नयाँ शक्ति नेपालले ध्यानकर्षण गर्नुका साथै गम्भिर शंका पैदा भएको र आयोजनाले गति पाउन नसक्नु त्यसैको उपज मान्न सकिने ज्ञापनपत्रमा उल्लेख गरिएको छ । नयाँ शक्ति नेपालले प्रभावित इलाकामा माफियाहरुले ओगटेको जमिनको निर्धारित मूल्यमा कम्तीमा ५० प्रतिशत घटाउनुपर्ने माग राख्दै स्थानीय जनतालाई अहिले निर्धारित मूल्यमा न्यूनतम ३० प्रतिशत वृद्वि गर्नुपर्ने माग गरेको छ ।

त्यस्तै सोही इलाकामा स्थानीयवासीलाई पुर्नवास र पुर्नस्थापनाको लागि एकीकृत वस्ती निर्माणमा सर्वपक्षीय सहमती गर्नुका साथै बुढीगण्डकी आयोजनालाई एकीकृत आयोजनको रुपमा अघि बढाइनुपर्ने माग ज्ञापनपत्रमा उल्लेख गरिएको छ ।

प्रभावित इलाकामा जग्गा वर्गीकरणमा भएको विविधता साथै जग्गा रोक्का एकै दिनमा गर्ने तर मुअब्जा वितरणमा गरिएको समयान्तरको विविधतालाई एकरुपमा दिइनुपर्ने र आयोजना संचालनर्थ कर्मचारी भर्नामा योग्यताको आधारमा प्रभावित क्षेत्रका स्थानीय जनतालाई प्राथमिकता दिइनुपर्ने नयाँ शक्ति नेपालको ठम्याई रहेको छ ।





error: Content is protected !!