पहिरोमा पुरिएरका चलाउने दम्पतीको सव फेला
सुर्खेत , २३ भदौ ः जाजरकोटको बारेकोट गाउँपालिका–६ धुमामा पहिरोले घर पुर्दा पुरिएका ४७ वर्षीय मानबहादुर चलाउने र उहाँकी ३८ वर्षीया श्रीमती प्रेमकुमार चलाउनेको सव फेला परेको छ ।
गएराती गएको पहिरोमा परि पहिरोले घर पुर्दा पुरिएका चलाउने दम्पती मृत अवस्थामा सव फेला परेको बारेकोट गाउँपालिकाका अध्यक्ष बीरबहादुर गिरीले जानकारी दिनुभयो । मृतक चलाउनेकी घाइते अवस्थामा रहेकी ११ वर्षीया छोरी सम्झना चलाउनेलाई उपचारका लागि सुर्खेत स्थित प्रदेश अस्पतालमा हेलिकोप्टर मार्फत ल्याइएको अध्यक्ष गिरीले बताउनुभयो ।
सव लिम्सा स्थित गाउँपालिकाको आधाभुत अस्पतालमा ल्याएर कानुनी प्रक्रिया पुरा गर्ने काम भइरहेको जाजरकोटका प्रहरी प्रमुख (डिएसपी ) पुरुषोत्तम प्रसाद पाण्डेले जानकारी दिनुभयो । प्रेम कुमारी बारेकोट गाउँपालिका–६ की वडा सदस्य हुन् । मानबहादुर नेकपा (माओवादी केन्द्र ) बारेकोट गाउँ कमिटिका सदस्य रहेका थिए ।
