काँग्रेस रुकुमको सभापतिमा प्रेम प्रकाश ओली

रुकुम पश्चिम ः नेपाली कांग्रेस रुकुम पश्चिमको जिल्ला सभापतिमा प्रेम प्रकाश ओली सर्वसम्मत चयन हुनुभएको छ । नेपाली काँग्रेस रुकुमको सातौ जिल्ला अधिवेशनबाट उहाँ पुनः सभापति बनेका हुन् ।

२०७२ फाुगनमा सम्पन्न छैठौ जिल्ला अधिवेशनमा भने उहाँ चुनाव जितेर सभापति बन्नुभएको थियो । गत सोमबार अधिवेशनको उद्घाटन पछि सहमति मार्फत नेतृत्व चयन गर्ने भन्दै नेताहरु छलफल केन्द्रित भएका थिए । मंगलबार भएको बन्द सत्रले पनि पूर्व राज्य मन्त्री गोपाल जि जंग शाहको नेतृत्वमा सहमतिको लागि एक कार्यदल बनाएको थियो । उक्त कार्यदलले सभापति सहित जिल्ला कार्यसमितिको सहमति निर्वाचन समितिलाई बुझाएको छ ।

बुझाईएको सहमति अनुसार पार्टीको उपाध्यक्षमा हर्कसिं खत्री र सुरतजंग मल्ल चयन भएका छन् । त्यसैगरी सचिवमा परमेश्वर भण्डारी र तारक शाही चयन हुनुभएको बताईएको छ । सहसचिवमा यज्ञ बिष्ट र प्रेमबहादुर खड्का चयन हुनुभएको जनाएको छ । टुंगो लगाईएका जिल्ला समितिका पदाधिकारीहरुको विवरण निर्वाचन समितिले आवश्यक प्रक्रिया लिएको छ ।

मनोनित गर्ने प्रावधान रहेको जिल्ला कोषाध्यक्ष पदमा पुनः मोहबिर खड्का दोहोरिने बताइएको छ । यसका साथै प्रदेश निर्वाचन क्षेत्र नं क को सभापतिमा महेन्द्र केसी र ख को सभापतिमा भद्रबहादुर बिष्टलाई सहमति गरिएको बताईएको छ ।

आजै प्रदेश पदाधिकारी तथा प्रतिनिधि र महाधिवेशन प्रतिनिधिको नाम सार्वजनिक गरिने बताईएको छ ।





error: Content is protected !!