सल्यानमा आगलागीबाट एक घर नष्ट,

सल्यानको छत्रेश्वरी गाउँपालिकामा आगलागि बाट एक घर जलेर पुर्ण रुपमा क्षती भएको छ । वडा नम्बर ५ सेतामारे निवासी ५२ बर्षिय काशिराम ओलीको घरमा आगलागी भएको हो ।  विहान करिव १० बजेतिर घरमा आगलागी हुदा भाँडा बर्तन‚ लत्ताकपडा‚ अन्नपात ‚कागजात सबै नष्ट भएको वडा नम्बर ५ का वडा अध्यक्ष तथा गाउँपालिकाका प्रवक्ता फौद बहादुर बस्नेतले जानकारी दिए ।  उनका अनुसार प्रहरी मुचुल्कामा आगलागि बाट दुई लाख ३० हजार रुपैयाँ बराबर क्षती भएको उल्लेख छ । फोहर जनाउने क्रममा घरमा आगलागी भएको घरधनी काशिरामले जनाए र उनी घरमा एक्लै बस्दै आएका थिए ।