भेरीमा मात्र १४ विद्यालयका भवन पूर्ण क्षती

मोहन जंग शाही

जाजरकोट , २१ कात्तिक भेरी नगरपालिकामा शुक्रबार राती गएको भूकम्पबाट १४ वटा विद्यालयमा पूर्ण क्षती भएको भेरी नगरपालिकाले जनाएको छ ।

त्यस्तै आंशिक ७८ वटा विद्यालयका भवनमा क्षती पुगेको तथ्यांकमा उल्लेख छ । ४७ वटा कक्षाकोठा , ९ वटा शौचालय , ४ वटा घेराबार पूर्ण क्षती भएको नगरपालिकाले जनाएको छ । त्यस्तै आंशिकमा ७८ वटा विद्यालय भवन , १७१ वटा कक्षाकोठा , ३८ वटा शौचालय , ९ वटा घेराबार , १ वटा विज्ञान प्रयोगशाला , ९ वटा आइसिटि ल्याप , २ वटा सोलार सिस्टममा समेत क्षती भएको भेरी नगरपालिकाको नगर शिक्षा शाखाले जानकारी दिएको छ ।

त्यसैगरि ३ जना शिक्षक घाइते , ३१ जना विद्यार्थीहरु घाइते , ११ जना विद्यार्थीको मृत्यु भएको नगर शिक्षा शाखाले जानकारी दिएको छ