भूकम्प प्रभावितलाई दुई दिनभित्र राहत सामग्री पुर्याउन उपप्रधानमन्त्री खड्काको निर्देशन
जाजरकोट ः उपप्रधान एवम् रक्षामन्त्री पूर्णबहादुर खड्काले भूकम्प प्रभावित परिवारलाई दुई दिनभित्र आवश्यक राहत सामग्रीहरू पुर्याउन प्रभावित क्षेत्रका प्रमुख जिल्ला अधिकारीहरुलाई निर्देशन दिनुभएको छ ।
रूकुम पश्चिमका प्रमुख जिल्ला अधिकारीसहित सुरक्षा निकायका प्रमुखहरूलाई निर्देशन दिनुहुँदै उपप्रधानमन्त्री खड्काले खोज तथा उद्धारको काम सम्पन्न भइसकेकाले सङ्घ, प्रदेश सरकार राहत र पुनर्स्थापनामा लागेको बताउनुभयो । उहाँले आज र भोलिसम्ममा राहतका सबै सामग्रीहरू जिल्लामा पुर्याइसक्ने बताउनुभयो ।
शनिबार दिनभर नेपाली सेनाका पाँच हेलिकोप्टरसहित स्काईट्रकले बिरामीहरूको उद्धार गरेको थियो भने आइतबारदेखि राहत सामग्रीहरू सेनाका हेलिकोप्टरले ढुवानी गरिररहेको छ । उपप्रधानमन्त्री खड्का भूकम्प प्रभावित जिल्लामै हुनुहुन्छ ।
