कागती पानी पिउँदा मिल्छ यस्तो लाभ
कागती हिमाल, पहाड, तराई जहाँ पनि पाइने फल हो । आमिलो बर्गको फलफुलमा पर्ने यो फल पौष्टिकताको दृष्टिले अति महत्वपुर्ण मानिन्छ ।अचार, तरकारी दाल सर्वतलगायत अन्य थुप्रै परिकारको गहनाको रूपमा परिचित यो फल स्वास्थ्यको दृष्टिले विशेष महत्व राख्दछ ।
कागती भिटामिन ‘सी’ को उपुक्त र सर्वसुलभ स्रोत हो । यो फल खाने गरेमा यसले तौल घटाउन ठूलो सहयोग पुर्याउँदछ । कागतीमा भएको भिटामिन ‘सी’ प्रतिरक्षा प्रणालीलाई मजबुत बनाउन मद्दत गर्दछ । रक्तसञ्चारसँग जोडिएका समस्या, मधुमेह, आँखाको समस्याबाट बच्न पनि कागतीले महत्वपूर्ण भूमिका खेल्दछ । विशेषगरी, बिहान खाली पेटमा कागती पानी पिएमा बढी फाइदा पुग्ने बताइन्छ ।
१ – कागतीमा प्रशस्त पाइने भिटामिन ‘सी’ ले हाम्रो शरीरको प्रतिरक्षा प्रणाली मजबुत बनाउदछ ।
२- कागती स्वादमा अमिलो भए पनि यसको अमिलोले शरीरलाई कुनै हानी गर्दैन । कागती पानीको नियमित सेवनले शरीरमा अम्ल र क्षारबीचको सन्तुलन बनाउन मद्दत पुग्छ ।
३- कागतीमा पेक्टिन फाइबर धेरै हुने भएकाले ठूलो(आन्द्रालाई स्वस्थ राख्न मद्दत गर्दछ। कागतीमा शक्तिशाली एन्टिब्याक्टेरियल गुण पनि छ ।
४- बिहान खाली पेटमा कागती पानी पिएमा शरीरबाट विजातीय द्रव्य निष्काशनमा सहयोग पुग्छ ।
५- कागती पानीले पाचन क्रियालाई पनि मजवुत वनाउन सहयोग गर्दछ ।
६- कागती क्याल्सियम, म्याग्नेसियम, पोटासियम, साइट्रिक एसीड र फस्फोरसको राम्रो स्रोत हो ।
७- कागती पानी पिउने गरेमा शरीरमा खतरनाक ब्याक्टेरियाको विकास र वृद्धि रोक्न सहयोग पुग्छ ।
८ -रुघाखोकीको उपचारमा पनि कागती पानीले फाइदा पुर्याउँदछ।
९- मस्तिष्कलाई पोषित गर्न र स्नायुकोषहरूलाई स्वस्थ राख्न पनि कागतीले विशेष भूमिका खेल्दछ ।
१०- कागतीले युरिक एसीडलाई समन गर्न मद्दत गर्दछ।
११- कागतीले रक्ताचाप नियन्त्रण गर्न मद्दत गर्दछ ।
१२- कागती पानीले कलेजोमा अक्सिजन र क्याल्सियमको मात्रा सन्तुलन गर्छ ।
१३- हरेक दिन कागती पानी पिउने गरेमा मिर्गौलामा पत्थरी बन्न पाउँदैन । बनेको पत्थरीलाई विघटित पारेर बाहिर निकाल्न मद्दत पुग्छ । मृगौलाको पत्थरी झार्न सहयोग गर्दछ ।
१४- कागती पानीको नियमित सेवनले बढेको तौल घटाउन पनि मद्दत गर्दछ ।
१५- छालाका दाग धब्बा हटाएर छालालाई चम्किलो बनाउदछ।
१६- मुखको दुर्गन्ध नाश गर्दछ । छालालाई चम्किलो बनाउदछ ।
१७- असमायिक बुढ्यौली हुन दिँदैन ।
१८- कलेजो, मृगौला र रगतलाई सफा गर्दछ ।
१९- पिएको केही समयमा नै शक्ति प्रदान गर्दछ ।
२०-तनाब, चिन्ता र उदाशिनता कम गर्न मदत गर्दछ ।
