लथालिङ्ग वन्दै भेरीनगरपालिकालथालिङ्ग वन्दै

जाजरकोट  । भेरी नगरपालिकाको खलंगा वजार सफा राख्न  नगरपालिकाको पहिलो वैठकले गरेको निर्णय अहिले सम्म कार्यान्वयनमा  नआउदा वजारका विभिन्न भागहरुमा  र्दुगन्ध फैलिन थालेको  छ ।  नगरपालिकाको  गत जेठ ५ गते वसेको वैठकले पहिलो निर्णयको रुपमा  नगरपालिकालाइ हरियालीयुक्त र सफा एवम स्वछ नगरपालिका वनाउने  निर्णय गरे पनि  उक्त निर्णय अनुसार अहिले सम्म केहि काम नभएको  स्थानीयवासीको गुनासो छ ।

जनताका प्रतिनिधि आएर पनि नगर सरसफाइको काममा तिव्रता नआएको भन्दै स्थानीयले  गुनासो   गरेका हुन्  ।  भेरी नगरपालिका स्थित खलंगाका मुख्य वजारहरुमा फोहर थुप्रिदा वजार कुरुप मात्र नभइ  दुर्गन्धित  समेत वन्दै गएको स्थानीयको गुनासो  छ ।  खलंगा वजारका  ठाँटी, थाप्लेचौर, गैरीखाली,  शान्तिौतारा मुख्य रुपमा  फोहरले दुर्गन्धित भएका छन् । वजार क्षेत्रमा  भएका सार्वजनिक सौचालयहरु, होटेल,पसल र स्थानीयहरुको घरवाट निस्किने फोहर व्यवस्थापन गर्न नसक्दा  वजारहरु फोहर र दुर्गन्धित भएका हुन् ।                       स्थानीय निकायले  फोहर व्यवस्थापनको  गतिलो योजना नवनाउदा र गरेको निर्णय पनि कार्यान्वयन गर्न नसक्दा  समस्या परेको भेरी नगरपालिका १ रिम्नाकी सरिता पुनले वताइन  । उनले  फोहरका कारण  वजारको रुप रंगमा नै नकरात्मक असर पर्दा पनि  कसैले चासो नदिनु  दुखको कुरा भएको  वताइन् । वजार र मुल सडकको छेउमा फोहर थुप्रिदा दुर्गन्ध मात्र होइन , दुर्घटनाको समेत  सम्भावना वढेको  उनले वताइन् ।  नागरिक अगुवा राजेन्द्रविक्रम शाहले  प्रभावकारी नेतृत्वको अभावमा   व्वस्थित  नगर निर्माणमा समस्या देखिएको  वताए ।

गरिएका निर्णयहरु  कार्यान्वयन गर्न सरोकारवालाहरुले  गतिलो इच्छा शक्ति देखाउन नसक्दा जनतामा नकरात्मक असर परेको  उनको भनाइ छ ।  २०७१ पुस १८ गते जाजरकोट जिल्ला खुल्ला दिसामुक्त घोषणा भएपनि  व्यक्तिगत तथा सार्वजनिक सौचालयहरु व्यवस्थित नहुदा पनि वजारमा सरसफाइ कार्य प्रभावकारी हुन नसकेको सरोकारवालाहरु वताउछन् ।  खलंगा वजारको सरसफाइ र  फोहरको उचित व्यवस्थापनका लागि स्थानीय व्यापारी र निकायहरुले पहल  नगरेको वजारवासीको गुनासो छ । उता भेरी नगरपालिकाका प्रमुख चन्द्रप्रकास घर्तीले  वजारको फोहर व्यवस्थापनका लागि नगर परिषद्वाट  ३० लाख रकम छुटटयाइएको वताए ।  उनले सवै नगरका  वासिन्दाले सहयोग गरे आफुले  नगरपालिकाको  जेठ ५ गतेको निर्णय सफल्तापुर्ववक कार्यान्वन गर्न  सकिने  वताए । आफुले  नगरका मुख्य वजारहरुको  फोहर व्यवस्थापनका  लागि अल्पकालीन र दीर्घकालीन रुपमा  योजना वनाउन लागेको वताए ।