‘प्रचण्डलाई बौलाहा कुकुरले टोकेको’ भनेपछि संसदमा हंगामा
काठमाडौं । नेकपा मालेका महासचिव सीपी मैनालीले प्रधानमन्त्री पुष्पकमल दाहाल ‘प्रचण्ड”लाई बहुला कुकुरले टोकेको भनेपछि संसद बैठकमा केहीबेर हंगामा भएको छ ।
संसोधन प्रस्तावको बिरोधमा धारणा राख्ने क्रममा मैनालीले भने, “यो आवश्यकतै नभएको बिषयमा किन संसोधन प्रस्ताव ल्याइयो, हाम्रो प्रधानमन्त्रीलाई कतै बहुला कुकुरले त टोकेन ।
उनले वाक्य टुंग्याउन नपाउँदै काँग्रेस सांसद रामहरी खतिवडाले नियमापत्ति भन्दै मैनालीले प्रधानमन्त्रीलाई संसदीय मर्यादा भन्दा बाहिर गएर असभ्य भाष प्रयोग भएको भन्दै सच्याउन माग गरे ।”
त्यसपछि जवाफ दिने क्रममा मैनालीले भने, मैले कसैलाई इंगित गर्न खोजेको होइन, बहुला कुकुरले मलाई टोक्यो भने म पनि बहुलाउँछु’ भने ।
तर फेरि सांसद खतिवडाले नियमापत्ति गरेपछि सभामुख ओनसरी घर्तीले बहुला कुकुर भन्ने शब्द रेकर्डबाट हटाउन आदेश दिन्छु भनेपछि मैनालीले आफ्नो मन्तब्य अघि बढाएका थिए ।
यसैबीच एमालेका सांसदहरुले उठेर विरोध जनाएपछि आजको संसद बैठक पनि अवरुद्ध भएको छ । संसदको अर्को बैठक आइतबार दिउसो १ बजे सम्मका लागि स्थगित भएको घोषणा सभामुख ओनसरी घर्तीले गरेकी छिन् ।
