पुनर्निर्माण खटिएका इन्जिनियरद्वारा सामुहिक राजीनामा

काठमाडौं, पुस ५  , प्राधिकरणका सिइओ भन्छन्-गलत गर्नुभयो काममा फर्कनुहोस्

उनले अब सरकारले के गर्छ भन्ने बारेमा आफूहरु काममा फर्कन नफर्कने कुरा भरपर्ने बताए।

इन्जिनियरहरुले सेवा सुविधा, जीवन बीमा, सुरक्षा, कार्यालय र स्पष्ट निर्देशिका हुनुपर्ने माग राखदै केही दिनदेखि काम ठप्प पारेका थिए।

राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले भूकम्पपीडितलाई प्राविधिकको खाँचो भएका बेला उनीहरुले राजीनामा दिनु गलत भएको बताए। ‘यस्तो संवेदनशील बेलामा उहाँहरुले राजीनामा दिनुभएको छ, जबकी उहाँहरुका माग पुरा गर्न प्राधिकरणले पहल गरिरहेको छ’, ज्ञवालीले भने, ‘सरकारका गरिरहेको काम पुरा हुँदैन कि भनेर अनुमानका भरमा राजीनामा दिनु गलत हो।’

उनले राजीनामा स्वीकृत गर्ने नगर्ने छलफलपछि मात्रै निर्णय हुने बताए। राजीनामा दिएका इन्जिनियरलाई काममा फर्कन पनि उनले आग्रह गरे। ‘निर्देशक समितिले उहाँहरुको भत्ता र बिदा बढाउनेबारे निर्णय गरिसकेको छ, त्यो कार्यान्वयन हुन्छ’, ज्ञवालीले भने, ‘पुनर्निर्माणमा खटिएका इन्जिनियरले भत्ता नपाएर राजीनामा दिए भन्दा इन्जिनियरिङ पेसाप्रति नै नराम्रो सन्देश जान्छ।’

setopati