एक टन चकलेट सडकमा जमेपछि
एजेन्सी 
बीबीसी
पिच गरिएको सडकको रङ सामान्यतया कालो हुन्छ तर जर्मनीको सडकको रङ भने केही समयका लागि परिवर्तन भयो ।
अत्यधिक चकलेट पोखिएपछि कालो सडक पूरै खैरो भएको छ ।
जर्मनीको वेस्टनेन शहरमा भएको चकलेट कारखानामा चकलेटले भरिएको एक ट्याङ्की लिक भयो र एक टन चकलेट बाहिर निस्किएर बाटोमा बग्न थाल्यो ।
अत्यधिक चिसो भएकाले चकलेट जम्यो । जसका कारण त्यहाँको बाटो नै बन्द गर्नुपर्यो ।
त्यसपछि २५ दमकल कर्मचारीले तातो पानी र फाहोरा आदिको प्रयोग गरेर चकलेटलाई बाटोबाट हटाए ।
यो काममा फ्याक्ट्रीका कर्मचारीले पनि बाटो सफा गर्न सहयोग गरेका थिए ।
चकलेट अत्यधिक बगेको थियो तर यसले क्रिसमसमा चकलेटको हाहाकार भने नहुने बताइएको छ ।
