तीन पक्राउ
नेपालगन्ज । जिल्ला प्रहरी कार्यालय बाँकेबाट खटिएको प्रहरी टोलीले नेपालगन्जबाट कटुवा पेस्तोल सहित ३ जनालाई पक्राउ गरेको छ ।
जिल्ला प्रहरी कार्यालय बाँकेका प्रहरी प्रमुख एसपी टेक बहादुर तामाङका अनुसार पक्राउ पर्नेमा नेपालगन्ज उप–महानगरपालिका २२ पुरैनी बस्ने श्यामता लोनिया, डुडुवा गाउपालिका ३ बस्ने बाबुलाल पासी र डुडुवा गाउपालिका ४ बस्ने अली बागबान रहेका छन् ।
अवैध रुपमा हतियारको कारोबार हुदैछ भन्ने बिशेष सुचनाको आधारमा खटिएको प्रहरी टोलीले उनीलाई कटुवा पेस्तोल सहित पक्राउ गरिएको एसपी तामाङले जानकारी दिनुभयो । उनीहरुमाथि थप अनुसन्धान भइरहेको जिल्ला प्रहरी कार्यालय बाँकेले जनाएको छ
