सुर्खेतमा ७८२ ग्राहकको विद्युत् लाइन काट्ने प्राधिकरणको चेतावनी
सुर्खेत ः नेपाल विद्युत् प्राधिकरणको सुर्खेत कार्यालयले समयमै बक्यौता नतिर्ने ग्राहकको विद्युत् लाइन काट्ने चेतावनी दिएको छ।
सोमबार एक सूचना जारी गर्दै विद्युत् लाइन काट्ने चेतावनी दिएको हो।प्राधिकरणका अनुसार सुर्खेत वितरण केन्द्र अन्तर्गत ४ महिना भन्दा बढी र १० हजार भन्दा बढी बाँकी बक्यौता भएकाहरूको सङ्ख्या ७८२ छ।
’यदि बक्यौता रकम ७ दिन भित्र भुक्तानी नगरेको खण्डमा नियमानुसार लाइन काटी बाँकी बक्यौता असुलिको प्रक्रिया अगाडि बढाइने छ,’ प्राधिकरणले भनेको छ।
