स्वास्थ्य संस्थामा बिभिन्न सामग्री सहयोग

जाजरकोट ः भूकम्पबाट समस्य भोगिरहेको नलगाड नगरपालिकाका बिभिन्न स्वास्थ्य संस्थाहरुमा बिभिन्न निकायबाट सहयोग हुने क्रम जारी रहेको छ । बिभिन्न सहयोगी निकायको सहयोगमा सेवा प्रवाहलाई प्रभावकारी बनाउनका लागि यहाँका स्वास्थ्यकर्मीहरु सक्रिय भएका छन् ।

सोमवार नलगाड नगरपालिका–३ / १३ का दुइ स्वास्थ्य संस्थामा स्वास्थ्य सामग्री , आवश्यक लत्ताकपडा उपलब्ध गराएको छ । फ्रिडम किड व्याग यूके को आर्थिक सहयोगमा सिर्जनसिल संस्था बुटवलको सहकार्यमा उक्त सामग्री हस्तान्तरण भएको कैना स्वास्थ्या चौकीकी इन्चार्ज हेमा पुनले जानकारी दिनुभयो । उहाँका अनुसार सुत्केरीका लागि कपडा , विरामी राख्न तथा उपचारमा सहजता ल्याउन टेन्ट , बालबालिकाका लागि कपडा र अन्य स्वास्थ्य सामग्री समेत उपलब्ध गराएको थियो ।