कात्तिक १ देखि स्याउ टिप्न पाइने

हुम्ला ः हिमाली जिल्ला हुम्लाको माथिल्लो क्षेत्रमा कात्तिक १ गतेदेखि मात्र पाकेको स्याउ टिप्न पाइनेभएको छ । गुणस्तरीय स्याउ बजारमा ल्याउन यो नियम ल्याइएको हो ।

प्रधानमन्त्री कृषि आधुनिकीकरण परियोजना, परियोजना कार्यान्वयन एकाइका कार्यालय प्रमुख विष्णुबहादुर मग्रातीले स्याउ बढी फल्ने तर ढिलोगरी पाक्ने भएकाले माथिल्लो हुम्लामा कात्तिक महिनामा मात्र पाकेको स्याउ टिप्न पाइने नियन लागु बनाएको बताउनुभयो । उहाँले स्याउ काँचो नहोस् र गुणस्तरीय स्याउ बजारमा बिक्री गर्न यो नियम लागु गरिएको बताउनुभयो ।

जिल्ला परियोजना समन्वय तथा अनुगमन समितिको बैठकले स्याउ किसानको उपस्थिति कात्तिक महिनामा मात्र स्याउ टिप्न पाउन निर्णय गरिएको हो । माथिल्लो हुम्लामा तीन वटा गाउँपालिका नाम्खा, सिमकोट र खार्पुनाथमा असोज महिनासम्म स्याउ काँचो हुने निष्कर्ष निकाल्दै कात्तिकमा मात्र टिप्ने निर्णय गरेको छ ।

यसअघि पहिलो पटक स्याउको मूल्य प्रतिकेजी ४० रुपियाँ तोकिएको हो । कात्तिकअघि टिपेको स्याउको मूल्यमा भने सो नियम लागु हुने छैन । यसअघि दानाका हिसाबले बिक्री भइरहेको कारण सबैतिर स्याउको मूल्य निर्धारण गर्न दबाब आइरहेका बेला मूल्य तोकिएको छ । अब कात्तिक महिनामा टिपेको स्याउको मूल्य प्रतिकेजी ४० रुपियाँ तोकिएको छ ।

यसअघि हुम्लामा दानाका हिसाबले स्याउ बिक्री हुनेगरेको थियो । गाउँमा प्रतिदाना ५ रुपियाँ भए पनि सदरमुकाम सिमकोट भने प्रतिदाना १० रुपियाँमा स्याउ बिक्री हुनेगरेको थियो । यो मूल्य सिजन र बेसिजन पनि उस्तै हुनेगरेको थियो । यसका लागि ६ दानासम्म प्रतिकेजीमा जाने भए ग्रेड र छभन्दा बढी दाना प्रतिकेजी बी ग्रेड निर्धारण गरिएको छ । यो मूल्य सदरमुकाम सिमकोटका लागि लागु गरिएको छ । सिमकोट बाहिर भने स्थानीय ढुवानी घटाएर मूल्य निर्धारण हुनेछ ।





error: Content is protected !!