डुंगा चलाउने क्रममा एक बालक कर्णाली नदीमा बेपत्ता

सुर्खेत ः डुंगा चलाउने क्रममा एक जना बालक कर्णाली नदीमा बेपत्ता भएका छन् । बेपत्ता हुनेमा चामुण्डाबिन्द्रासैनी नगरपालिका–७ का शिव शाही रहेका छन् ।

उनी आइतबार दिउँसो डुंगा चलाउने क्रममा बेपत्ता भएको दैलेख प्रहरीले जनाएको छ ।

उनले दैलेखको आठबीस नगरपालिका–१ र चामुण्डाबिन्द्रासैनीसँग मिलेको रामाघाट खोला र कर्णालीको दोभा क्षेत्रबाट डुंगा चलाउन सुरु गरेका थिए । उनको खोजी कार्य भइरहेको प्रहरीले बताएको छ ।