रामपुरमा कुलोमा डुबेर उन्नाइस महिनाका बालकको मृत्यु
सुशीला रेग्मी
रामपुर (पाल्पा) पाल्पाको रामपुर नगरपालिका वडा नं ५ मटेरीमा कुलोमा डुबेर एक बालकको मृत्यु भएको छ ।
योगमाया थापाका १९ महिनामा छोरा प्रतिन थापाको शुक्रवार मध्यान्हको समयमा घर अगाडी रहेको पानी बग्ने कुलोमा डुबेर मृत्यु भएको जिल्ला प्रहरी कार्यालय पाल्पाले जनाएको छ ।
कुलोमा डुबेको अवस्थामा आमाले देखेपछि तत्काल उपचारका लागि रामपुर अस्पताल लगिएपनि अस्पतालका डाक्टरले मृत घोषणा गरेका हुन् । घटनाबारे प्रहरीले थप अनुसन्धान गरिरहेको छ ।
