सदरमुकाममा बस्दै आएका गाविस सचिव गाउँमा पुग्दा खुसियाली, स्वागत गर्न कार्यक्रम
२३ मंसिर, रुकुम । रुकुमको एक गाविसका बासिन्दाहहरुले गाविस सचिव गाउँमा आइपुगद खुसियाली मनाएका छन् ।
सरकारले गाउँ विकास समितिका सचिवहरुलाई गाउँमै बस्न बेलाबेलामा निर्देशन गरे पनि गाविस सचिवहरु विभिन्न बहानामा सदरमुकाममै बस्ने गरेको छन् ।
५ महिनापछि रुकुमको पश्चिमी क्षेत्र खोला गाउँमा गाविस सचिव गाउँमा पुगेपछि खुसियाली छाएको हो । स्थानीयले औपचारिक कार्यक्रमको आयोजना गरे र स्वागत मात्र गरेनन् आगामी दिनमा यस्तो नगर्न समेत अनुरोध गरे ।
तत्कालीन गाविस सचिव मानबहादुर खत्री सरुवा भएको ५ महिनापछि मात्र खोलागाउँमा गाविस सचिवको रुपमा गोविन्द बुढाथोकी पुगेको स्थानीय डिल्ली खत्रीले जानकारी दिए । बुढाथोकीले ५ महिनासम्म सदरमुकाममै बसेर काम गर्ने गरेका थिए ।