कर्णालीमा माओवादी मन्त्रीहरूले राजीनामा बुझाए

सुर्खेत ः कर्णाली प्रदेशमा माओवादी केन्द्रबाट बनेका मन्त्रीहरुले राजीनामा बुझाएका छन्। उनीहरुले अर्थ मन्त्रालयको सभाहलमा पत्रकार सम्मेलन गरी सामूहिक राजीनामाको घोषणा गरेका थिए।

पत्रकार सम्मेलन सकिएलगत्तै मन्त्रीहरुले मुख्यमन्त्री यामलाल कँडेललाई राजीनामा पत्र बुझाएका हुन्। कर्णाली प्रदेशमा माओवादीबाट अर्थमन्त्रीमा महेन्द्र केसी, सामाजिकमा वीरबहादुर शाही, उद्योगमा दुर्गबहादुर रावत र ऊर्जा मन्त्रीमा रणसिंह परियार थिए।

केन्द्रको समीकरण फेरिएर माओवादी केन्द्र प्रतिपक्षमा पुगेसँगै यो पार्टी सातै प्रदेशमा पनि सत्ताविमुख हुने अवस्थामा पुगेको हो। हिजो मात्रै बागमती र लुम्बिनी प्रदेशबाट माओवादी केन्द्रको नेतृत्वमा रहेका दुवै सरकारले राजीनामा दिनुपरेको थियो।

सामाजिक विकासमन्त्री बीरबहादुर शाहीले दुई महिना बीस दिनमा गरेका मुख्य, मुख्य कामहरु

स्वास्थ्य क्षेत्र तर्फः

नागरिक स्वास्थ्य परीक्षण सुर्खेत र रूकुम पश्चिम जिल्लामा
मिति २०८० असोज प्रदेश पूर्ण खोप घोषणा गरी नयाँ खोप कार्यक्रमहरु सञ्चालनमा ल्याईएको
प्रादेशिक प्रेषण केन्द्र स्थापना तथा संचालन
प्रदेशमा सञ्चालनमा रहेका एम्वुलेन्सहरुमा GPS जडान गरी प्रदेश प्रेषण केन्द्रमा आबद्ध गरिएको
विशेषज्ञ चिकित्सक तथा स्वास्थ्यकर्मीहरुको दरबन्दी करारमा नियुक्ति गरी परिचालन गरिएको
भूकम्प प्रतिकार्यका लागि आपूर्ति व्यवस्थापन तथा जनशक्तिको परिचालन द्रुत रुपमा गरिएको
भूकम्पबाट प्रभावित क्षेत्रहरुमा अस्थाई स्वास्थ्य संरचना हस्तान्तरण गरिएको (रुकुम पश्चिमको घेत्मा, जाजकोटको नलगाड र बारेकोट)
जाजरकोट, डोल्पा जिल्लामा निर्माणाधिन अस्पताल भवनहरु निर्माण सम्पन्न भई हस्तान्तरण भएको
प्रदेश अस्पतालको तल्ला थप लगायत भौतिक पूर्वाधार थपको प्रक्रिया अघि बढेको ।MRI सेवा सञ्चालन गरिएको गरिएको । प्रदेशमै पहिलो पटक मृगौला प्रत्यारोपणको सफलता पूर्वक गरिएको ।
प्रदेशमा स्वास्थ्य बीमाको कार्यक्रमलाई प्रभावकारी रुपमा सञ्चालन गर्न बीमा कार्यक्रमका लागि बजेटको व्यवस्थापन गरिएको
जिल्ला अस्पतालहरूको भौतिक पूर्वाधार निर्माणलाई तिव्रता दिईएको ।
प्रदेशमा अस्पतालको सेवालिनेको संख्यामा बृद्धि भएको (२०८१ बैशाख कर्णालीबासीले कुल ४१ लाख ७ हजार ७ सय 2 पटक अस्पतालको सेवा लिएको)।