फिलिपिन्सको राजधानीमा झडपः ७ जनाको मृत्यु, भने ३ जना घाइते

मनिलाको दक्षिणमा रहेको बटाङ्गस प्रान्तमा आइबार बिहान भएको झडपमा एक जना सैनिक र छ जना संदिग्ध विद्रोहीको मृत्यु भएको फिलिपिन्सका रक्षा अधिकारीहरूले बताएका छन्।
सरकारी सेना र १४ जना न्यु पिपुल्स आर्मी ९एनपीए० विद्रोही बीच चार घण्टासम्म चलेको गोलीबारी स्थानीय समय अनुसार आइतबार दिउँसो २ बजे बालयान शहरमा भएको फिलिपिन्स सेनाको दोस्रो इन्फन्ट्री डिभिजनका प्रवक्ता हेक्टर इस्टोलासले बताउनु भएको छ ।
एस्टोलासका अनुसार एनपीएले केही योजना बनाउनका लागि यस क्षेत्रमा अस्थायी शिवि खडा गर्दै गरेको सूचना पाएपछि सरकारी सेनाहरूले आक्रमण शुरु गरेका थिए ।
झडपमा एक जना सैनिकसहित सात जनाको मृत्यु भएको थियो। अन्य तीन सैनिक घाइते भएका छन् । भाग्ने एनपीए विद्रोहीहरू विरुद्ध खोजी कार्य जारी रहेको एस्टोलासले बताउनु भएको छ । एनपीए विद्रोहीहरू सन् १९६९ देखि सरकारसँग लड्दै आएका छन्। तिनीहरूले ग्रामीण क्षेत्रहरूमा आफ्नो आक्रमण केन्द्रित गर्दै सेनासँग झडप गरिरहेका छन्।
सैन्य तथ्याङ्क अनुसार एनपीएमा दुई हजार सदस्यहरू छन्।